Македонија

Минатата година во обложувалниците уплатени 200 милиони евра, само 5 отсто од ливчињата биле добитни

Минатата година во обложувалниците уплатени 200 милиони евра, само 5 отсто од ливчињата биле добитни

Дури 200 милиони евра уплатиле граѓаните во спортски обложувалници во текот на минатата година. Од Управата за јавни приходи за Фактор потврдуваат дека вкупните уплати на тикети од почетокот до крајот на 2017 година изнесуваат над 12,2 милијарди денари што е безмалку 200 милиони евра. Во услови на тешка економска ситуација, дел од граѓаните на ваков начин се обидуваат да го поминат денот, па и месецот. Се разбира не секој тикет е добитен, туку напротив, а ниту пак добивките се големи оти многу од граѓаните не ризикуваат многу.

Но се што е уплата не останува во обложувалниците. Фирмите кои приредуваат игри на среќа во обложувалница во текот на минатата година за исплати на добитни ливчиња потрошиле над 9,6 милијарди денари или нешто повеќе од 156 милиони евра.

Ако се анализира бројот на уплатите пак, соодносот на уплатени со добитни ливчиња е поразителен. Имено, лани во сите македонски обложувалници биле уплатени над 64 милиони тикети, а од нив добитни биле само нешто над 3,6 милиони ливчиња, или само пет отсто од вкупните уплати. Ако се вкрстат податоците за вкупната исплата и добитните ливчиња излегува деко едно ливче носело добивка од само 43 денари во просек.