СЛУЧАЈ ФОКУС-НЕТ: Ако се потврди разрешувањето на судијките, државниот буџет нема да биде оштетен!

Дали случајот ФОКУСНЕТ – ТЕЛЕКОМ ќе го оштети македонскиот буџет и каква ќе биде судбината на двете разрешени судијки од граѓанскиот суд кои според Обвинителството и РСС донеле неправична пресуда со која на фантом компанија од Штип и доделија 4 милиони евра во скандалозен случај од почетокот на овој милениум.

Судијките се разрешени, но по нивната жалба Врховниот суд донесе одлука да се формираат комисии кои сега ќе одлучуваат за нивната судбина, од нивната судбина зависи и дали ќе биде оштетен државниот буџет. Доколку се прифатат нивните жалби, државата ќе трпи огромни штети за кашата со која сами ја зготвија со тоа што на фантом-компанија доделија неправилна оштета.

Позадина на случајот

Соработката помеѓу штипската фирма Фокуснет и Македонски Телеком се случила во периодот од 2001 и 2002 година кога бил склучен договор за изнајмување на интернет капацитети, договор кој бил раскинат од страна на Телеком поради неисплатени обврски на Фокуснет.

По долгогодишен судски спор од 2008 година, Скопскиот граѓански суд пред две години ја одбил тужбата на штипската фирма против Телеком откако утврдиле дека се работи за фирма без имот, без основни средства, без приходи, со еден вработен и со блокирани средства.

Сепак, ваквата пресуда Апелација преку ноќ ја преиначува во корист на штипската фирма која наместо првично побараните 2 милиони евра, сега треба од Телеком да добие двојно поголема отшета од 4 милиони евра. Пресудата е донесена без одржување на јавна седница и во период во кој повеќе пати биле менувани членовите на Судечкиот совет, но не и главната судијка известител.

Основното јавно обвинителство (ОЈО) започна предистражна постапка за предметот во кој е донесена одлука Телеком да плати оштета од 4 милиони евра на човек фирма од Штип. ОЈО ја започна постапката откако министерот за транспорт и врски Александар Николоски го испрати предметот за натамошно разгледување.

„Ние по службена должност бевме известени и јас го информирав Јавното обвинителство и побарав да го испита случајот, имајќи предвид дека во службеното известување кое го добивме, добивме информации кои се навистина сериозни за состојбата во судството во Македонија. Ние впрочем и затоа бараме да се распушти Судскиот и Обвинителски совет затоа што состојбата е многу лоша и довербата во судството е никаква, а вакви случаеви дополнително ја урнисуваат довербата во судството“, истакна Николовски. 2024.

Од ОЈО потврдуваат дека судиите постапиле целосно неправично.

„Во предметот се преземени повеќе дејствија и испитани се повеќе лица. Воедно прибавен е целокупниот предмет за граѓанската постапка, како и други докази. Прибавена е и одлуката на Судскиот совет по однос на постапувањето на судиите во конкретниот случај. Се преземаат и други дејствија во предистражна постапка, по што ќе биде донесена јавно обвинителска одлука. Во меѓувреме, по предлог на јавниот обвинител, Судот определи мерки за привремено запирање на извршување определени финансиски трансакции“. – Изјавуваат од ОЈО.

Судскиот совет констатираше прекршувања од Апелација во процесот на постапување по жалбата на одлуката во првостепената постапка и покрај другото утврди постоење на фалсификувани записници. Исто така, надвор од Законот за парнична постапка, пресудата со која се преиначува првостепената одлука била донесена без одржување на јавна расправа. Исто така во одлуката на Апелација најдени се списи што воопшто не биле дел од првостепената постапка.

За Наташа Савовска Димитровска, и Роза Георгиева, Републичкиот судски совет донесе одлука за разрешување. Третата судијка, Јетмире Ајдини Бошњаку, е казнета со парична казна од страна на Советот. Поблагата казна за судијката Ајдини Бошњаку е резултат на тоа што и покрај тоа што била дел од Судскиот совет во овој спор, алармирала за неправилностите или популарно речено била „свиркач“.

Судијките имаат право на жалба на оваа одлука. Те се жалеа и согласно законот на 12 јуни Врховниот суд донесе одлука за формирање на совети кои ќе постапуваат по жалба. Ако им бидат усвоени жалбите ќе се вратат предметите во РСС кои ќе треба да ја потврди одлуката. Досега сите одлуки РСС ги потврдувал.

Буџетски реперкусии

Имајќи предвид дека државата поседува над 35% од акциите на Телеком, случајот има значајни финансиски импликации врз јавните средства. Затоа, Јавното обвинителство и Врховниот суд постапуваат со приоритет за да се спречат штети врз државните финансиски интереси.

Истовремено, останува отворено прашањето за поврзаноста на одредени адвокати инволвирани во случајот, со друга институција, во случајов со Антикорупциската комисија и евентуален конфликт на интереси.

Ова исто така е важно да се потсети, а е твој текст. Според некои информации и обвинението против претседателката на ДКСК за пораките за лица кои биле дел од предметите се најдени во комуникација со истово лице. Битно е он да се спомне пак во новиот текст. И неговата поврзаност со предметот.

Бидејќи списите кои се најдени во одлуката на апелација се практично спогодби што тој ги правел како директор на правна служба во Телеком.

Екс-адвокатот на СДСМ преку конфликт на интерес се обидува да ги спаси судиите кои го оштетија буџетот?

Адвокатот Стевица Јосифовски од една страна е правен советник на Државната комисија за спречување на корупција, а од друга страна од истата ДКСК е казнет затоа што по престанок на функцијата член на комисија во АЕК не поднел изјава за имотна состојба и интереси до ДКСК – покажува проверката на податоците на веб страницата на комисијата.

Токму Јосифовски, кој е поранешен официјален правен застапник на политичката партија СДСМ, беше едно од имињата кои во медиумските натписи се поврзуваа со скандалот ФОКУС НЕТ, кој претставува огромен скандал за македонското правосудство.

Порталот pari.com.mk пишуваше дека токму тој е вмешан во случајот во кој беше пресудено Телеком (а преку тоа и државата) да исплати 4 милиони евра на компанија која со години е неактивна.

-Постојат сомневања дека тој е опфатен и со предметот во кој Телеком треба да исплати оштета од четири милиони евра на фирма, а за овој предмет Основното јавно обвинителство (ОЈО) започна предистражна постапка. ОЈО ја започна постапката откако министерот за транспорт и врски Александар Николоски го испрати предметот за натамошно разгледување бидејќи државата има дел од сопственоста на Телеком. – пишува порталот.