16 години од трагедијата на Охридското Езеро во која загинаа 15 туристи

16 години од трагедијата на Охридското Езеро – потонувањето на бродот „Илинден“

Денеска се одбележуваат 16 години од несреќата на Охридското Езеро, кога при потонувањето на бродот „Илинден“ загинаа 15 туристи од соседна Бугарија. Трагедијата се случи на 5 септември 2009 година, околу 10:30 часот, на патот од Охрид кон Свети Наум.

Причини и последици

Бродот со 57 патници се превртел и потонал на околу 250 метри од брегот кај автокампот „Елешец“, како резултат на механички дефект, претовареност и настаната паника. Жртвите беа жители на повеќе бугарски општини – осум од Антон, четворица од Пирдоп и по еден од Златица, Мирково и Рибарица.

Почит за загинатите

Во чест на настраданите, во паркот кај каналот Студенчишта во Охрид е подигнат споменик, кој и денеска сведочи за една од најголемите трагедии во поновата историја на езерото.