Во моментов се обраќа рускиот претседател, јавуваат британските медиуми.
Путин вели дека инвазијата се одвива според планот и ги пофали руските војници нарекувајќи ги вистински херои.
-Сите поставени цели се решаваат или успешно се постигнуваат, вели тој, иако информациите од западното разузнавање сугерираат дека инвазијата на Путин оди побавно од планираното.
Тој постхумно го награди војникот за кој рече дека се разнел со граната за да не биде заробен.
Путин вели дека Украинците и Русите се еден народ, но дека на Украинците им е испран мозокот и им се заканувале.
Скај њуз пишува дека Путин продолжува со бизарни тврдења дека Русија се бори против неонацистите и дека Украинците ги користат цивилите како жив штит.
Исто така, иако Украина го тврди спротивното, Путин тврди дека руските сили обезбедиле хуманитарни коридори низ кои цивилите можат да избегаат, но дека украинските националисти ги блокираат, објави Би-Би-Си.