До Собранието на Република Македонија се уште не се пристигнати измените и дополнувањата на Законот за данокот на додадена вредност и на Законот за акцизи
Иако Владата попладнево соопшти дека измените и дополнувањата се веќе испратени, од Парламентот информираат дека законите се уште не се стигнати.
Во дописот од Владата се наведува дека измените и дополнувањата треба да бидат донесени во итна собраниска постапка за да се обезбеди намалување на највисоките малопродажни цени на бензините и другите нафтени деривати.
Во Собранието моментно е во тек продолжението на 50-тата седница на која се расправа по Предлог-законот за изменување и дополнување на Законот за минерални суровини, во прво читање.