Воз во јужна Кина излета од шините, при што загина еден кондуктер, а осум лица се повредени, јави Си-Ен-Ен.

Возот излетал од шините во 10:30 часот по локално време, откако удрил во остатоци од лизгање на земјиштето што се наоѓале на пругата додека се приближувал до округот Ронгјанг во провинцијата Гуижоу.

Кондуктерот починал во болница, а повредени се еден вработен и седум патници. Останатите 136 патници се евакуирани, а истрагата е во тек.

Кинеската мрежа за брзи возови вклучува пруга во должина од 37.900 километри. Од 2011 година не е забележана поголема железничка несреќа.