Родителите на учениците од шесто одделение во училиштето Његош во Идризово протестираат втор ден по ред. Тие упорно бараат отворање на албанската паралела во ова училиште. Тие не сакаат да ги праќаат своите деца во други училишта оддалечени десетици километри. Тие предупредуваат на порадикални протести, пренесува TV21.mk.
-Многумина од нас бараат од градоначалникот да преземе мерки и да не се плаши од народот. Но, нека преземе мерки, нека најде решение за нашите ученици, за што побрзо да почне паралелката на албански јазик, шесто одделение. Ќе се преземат мерки за порадикални протести, училиштето ќе биде блокирано, ќе има и проблеми, ќе биде многу екстремно. Немаме друг избор каде да ги испратиме децата. Бараме и министерот Јетон Шаќири да преземе мерки, како да може да му ги одземе овластувањата на некој друг, може и на овој-вели Ризван Сефери, организатор на протестот.
-Апелирам до Министерството за образование и општината да седнат и да направат компромис. Не е логично децата да патуваат по 13-14 километри, бидејќи се мали“
-Бараме министерот да ни овозможи паралелка од шесто до деветто одделение“.
-Како планирате додека не се изгради новото училиште? Дали ќе ги испратите вашите деца во други училишта?
Ќе ги отпишам учениците од училиште, само за овде.
Што ќе преземе во оваа насока го прашавме министерот за образование Јетон Шаќири. Дали ќе ги му ги одземе ингеренциите на градоначалникот на Гази Баба, Бобан Стефковски или ќе се обиде да најде друг излез?
-Барањата на жителите ги препратив до локалната самоуправа, да побараат дополна на наставници за паралелката што ќе продолжи од шесто одделение. Оправдувањето беше дека останатите не се согласуваат, бидејќи децата учат во смени. Барањето беше да се започне со паралелка во втора смена, додека во наредниот период сме отворени да испратиме проект за додавање нови простори во истото училиште“, рече Шаќири.
Оправдувањето на градоначалникот на Гази Баба, Бобан Стефковски, беше дека училиштето не ги исполнува условите, односно нема доволно простор да се додаде уште една паралелка. Според него, решението било да се изгради ново училиште во Идризово, но се уште нема одговор од Министерството за транспорт.