МНР: Седум македонски државјани, меѓу кои и дете, се во близина на опколениот манастир на Косово

МНР информира дека седум државјани на Македонија, од кои едното од нив дете, се сместени во хотел, во непосредна близина на манастирот каде е извршен вооружен напад врз косовските полициски сили.

Од МНР велат дека во раните утрински часови, преку дежурниот телефон на министерството, добиена е информација за седум државјани на Македонија, од кои едното од нив дете, се сместени во хотел, во непосредна близина на манастирот каде е извршен вооружен напад врз косовските полициски сили.

Амбасадата на Македонија во Приштина е во комуникација со преставници на МВР на Косово како и во директна комуникација со нашите граѓани.

Во текот на денот, во неколку наврати министерот Бујар Османи оствари директна комуникација со косовската министерка Гервала, и во моментов косовските полициски го обезбедуваат хотелот каде се сместени нашите државјани, од каде се очекува после оствареното интервју тие да бидат испратени дома.

Претставниците на Амбасадата остануваат во постојана и директна комуникација со нашите државјани, сѐ до целосно завршување на нивниот трансфер, соопшти МНР.

Извор: Netpress.com.mk.