Во Собранието денеска седници ќе одржат Комисијата за политички систем и односи меѓу заедниците и Комисијата за прашања на изборите и именувањата.
На дневен ред на Комисијата за прашања на изборите и именувањата е Предлог-одлуката за објавување оглас за именување претседател и членови на Државната комисија за одлучување во управна постапка, постапка од работен однос и инспекциски надзор во втор степен и Предлог-одлуката за именување претседател и членови на Управниот одбор на Агенцијата за регулирање на железничкиот сектор.
Членовите на Комисијата ќе разгледаат и барање од заменик-министер во Владата и барање од пратеник за утврдување надоместок на закупнина на стан.
На Комисијата за политички систем и односи меѓу заедниците, на дневниот ред е Годишниот извештај за работата на Државната комисија за одлучување во втор степен во областа на инспекцискиот надзор и прекршочната постапка за 2023 година.