Рано утринава на Клиниката за детски болести во Клинички центар „Мајка Тереза“ во Скопје, починало 14-месечно женско бебе, дознава „Слободен печат“. Како што посочуваат вознемирени извори кои работат на Клиниката, бебето било неколку пати одбивано за хоспитализација, иако родителите го носеле во болницата.
Секогаш било пуштено дома, без да биде хоспитализирано. Гледајќи дека се одбивани за хоспитален третман, родителите го однеле во Клиниката Козле, од каде состојбата му се влошила и дури тогаш било примено во одделението за интензивна нега на Детската Клиника.
Директорот на Клиниката доктор Реџеп Мемеди во телефонски разговор со „Слободен печат“ потврди дека почнало бебе рано утринава, но дека сите органи работат на утврдување на причините.