Над 2.000 казни за сообраќајни прекршоци во само 24 часа: Нов систем за следење на безбедноста на патиштата

Во тест период од 24 часа, преку новиот систем за следење на сообраќајот, се идентификувани 2.000 сообраќајни прекршоци на само 20% од камерите, што ја наметнува потребата од итна дигитализација за поефикасно санкционирање на прекршителите. Оваа нова технологија за безбедност на патиштата ветува значително намалување на бројот на сообраќајни несреќи и човечки грешки во процесот на санкционирање.

Системот „Сејф сити“ ветува автоматско санкционирање на сообраќајни прекршоци

Според министерот за внатрешни работи, Панче Тошковски, со имплементацијата на проектот „Сејф сити“, казните за сообраќајни прекршоци ќе се издаваат автоматски преку дигитален систем. Прекршителите нема да имаат можност да влијаат врз процесот, бидејќи „од другата страна ќе биде компјтер“.

„Една од главните цели на овој проект е елиминирање на човечкиот фактор од процесот на издавање казни“, објасни Тошковски, додавајќи дека ова е неопходно за зголемување на безбедноста на патиштата.

• Следење на прекршоци и спасување животи: Министерот Панче Тошковски итно турка систем на сообраќајни камери

Шокантни резултати од тестирањето а камерите

Во тест период од 24 часа, на само 20% од камерите во функција, се идентификувани 2.000 прекршоци со пречекорување на брзината за над 30 километри на час. Ако сите камери се вклучат истовремено, се проценува дека за едно деноноќие би се регистрирале 20.000 сообраќајни прекршоци.

Овие бројки алармираат на сериозноста на состојбата на патиштата и потребата од целосна дигитализација на системот за следење. Според министерот, овој проект е еден од клучните чекори кон намалувањ на бројот на жртви во сообраќајни незгоди, кои најчесто се млади луѓе.

Модернизација на системот за казни и правна рамка

Проектот „Сејф сити“ бара и значителни правни промени. Министерството за внатрешни работи веќе формираше работна група која ќе работи на прилагодување на законската рамка и создавање нови подзаконски акти, неопходни за целосната имплементација на системот.

„Целта е целосна дигитализација на процесот. Прекршоците ќе се евидентираат преку камерите, а снкциите ќе се испраќаат директно на прекршителите. Потребно е да се одлучи како ќе се врши испораката на казните – дали тоа ќе биде преку препорачана пошта, SMS пораки или електронски писма“, објасни Тошковски.

• Тошковски предупредува: Внимавајте на онлајн пирамидалните шеми и нема бришење на казните

Предизвици во имплементацијата на системот

Иако проектот е амбициозен, неговата целосна имплементација ќе се одвива постепено. Според министерот Тошковски, целиот процес нема да заврши до крајот на оваа година. Се очекува дека до 2025 година, системот целосно ќе функционира во Скопје, Тетово и Куманово.

Друг предизвик претставува натрупувањето на судските предмети. Судиите се загрижени дека со ваков масовен број на казни, ќе се создаде огромен обем на случаи за обработка.

„Нашите судии веќе изразија загриженост околу тоа како ќе се справат со толку многу прекршоци. Ќе треба да разгледаме како системот може да го олесни овој процес“, додаде министерот.

Што носи иднината на сообраќајната безбедност?

Соочени со илјадници сообраќајни прекршоци дневно, потребата за целосно автоматизирање и дигитализирање на системот за казнување станува сè поочигледна. Проектот „Сејф сити“ претставува важен чекор напред кон подобра безбедност на патиштата, намалување на бројот на сообраќајни несреќи и елиминирање на можноста за влијание врз процесот на санкционирање. Со новиот систем, се очекува и намалување на времето потребно за издавање на казни, како и поголема транспарентност.