Мобилната единица за безбедност на сообраќајот на патиштата, синоќа во периодот од 20:00 до 02.00 часот, по полноќ, спроведе зајакната акциска контрола за санкционирање на возачи кои управуваат возило под дејство на алкохол на територија на Илинден и Петровец, при што санкционирани се вкупно 24 возачи.
Како што соопшти МВР, на сите прекршители изготвени им се соодветни поднесоци.
Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведуваат од МВР.