Акционерите му го одобрија на Маск најголемиот платен пакет во историјата
Акционерите на „Тесла“ со убедливо мнозинство му одобрија на Илон Маск платен пакет вреден речиси една милијарда долари – најголемиот во корпоративната историја на САД. Според Би-Би-Си, 75% од гласачите го поддржале овој потег, но со јасен услов: Маск ќе ги добие акциите само ако во следните 10 години ја зголеми пазарната вредност на „Тесла“ до осум ипол милијарди долари.
Поделеност меѓу инвеститорите
Иако гласот на акционерите беше убедлив, новиот пакет го подели светот на инвеститорите. Поддржувачите го гледаат Маск како визионер способен да ја претвори „Тесла“ во лидер на вештачката интелигенција, додека критичарите предупредуваат дека со ваков бонус станува премногу моќен и надвор од контрола на одборот.
Маск најави нова ера за „Тесла“
По изгласувањето во Остин, Маск се појави со насмевка и ентузијазам, изјавувајќи дека ова е „нова книга на иднината на Тесла“. Тој најави дека иднината на компанијата ќе биде насочена не само кон електричните возила, туку и кон роботите Optimus и роботакси-системите, кои, според него, ќе ја започнат новата индустриска револуција.
Аналитичарите предупредуваат, но поддржувачите веруваат
Финансиските експерти предупредуваат на пад на продажбата и зголемена конкуренција, додека регулаторите во САД ја истражуваат безбедноста на автопилот системот. Сепак, аналитичарот Ден Ајвс смета дека „Тесла конечно ја отклучува својата АИ-вредност“, а Рос Гербер додава дека ова е „уште една невозможна приказна што станува реалност“.