Според објавите на „Дејли мејл“, кои ги пренесуваат албанските медиуми, албански криминалци користат комбиња и лажни туристи како курири за да изнесат заработен криминален капитал од Велика Британија. Со тие средства се купуваат скапи часовници „ролекс“ и се инвестира во луксузен живот во Албанија.
Над илјада Албанци во затворите низ Велика Британија
Во британските затвори до крајот на 2024 година биле затворени 1.099 албански државјани. Од нив многумина биле осудени за тешки кривични дела како убиство, силување, перење пари и трговија со луѓе.
200 најопасни криминалци од Велика Британија ќе бидат депортирани во Албанија
Ова е значителен пораст во споредба со 2010 година, кога само 1,5% од странските затвореници биле Албанци. Денес, тие сочинуваат 10,6% од затворската популација, што е највисок процент меѓу странските националности.
Британските и албанските власти во заедничка акција против криминалот
Националната агенција за криминал на Велика Британија (НЦА) потврди дека албанските криминални групи воспоставиле директни врски со колумбиските нарко-картели, преку кои обезбедуваат евтин кокаин за британскиот пазар.
За справување со ова, НЦА склучи договор со албанското Специјално обвинителство за борба против корупцијата и организираниот криминал (СПАК), со цел спречување на трансферот на валкани пари и истражување на имотот на осудените лица.
Извор: Курир