Приведен тетовец по пријава за семејно насилство
Полициски службеници од Полициската станица Тетово го привеле 51-годишниот Г.Ј. од Тетово, постапувајќи по пријава за семејно насилство извршено врз неговата сопруга, информираат од Министерството за внатрешни работи.
Според официјалните информации, на 31 јануари 2026 година во 14:35 часот, по пријавата за семејно насилство, полициските службеници извршиле интервенција, при што лицето било приведено.
При извршеното алкотестирање, кај Г.Ј. било утврдено присуство на 3,02 промили алкохол во крвта, по што тој бил задржан во полициска станица за понатамошна постапка за настаните.
Од полицијата најавуваат дека по целосно расчистување на случајот ќе следуваат соодветни законски мерки.