Американски дипломати и дел од членовите на нивните семејства почнуваат да се враќаат во амбасадите на САД на Блискиот Исток, откако во првите денови од војната со Иран на многумина им беше наредено да ги напуштат своите работни места.
Иако најголем дел од американските амбасади во регионот сè уште не ги обновиле целосно своите операции, Стејт департментот оваа недела започна постепено да укинува дел од ограничувањата за дипломатскиот персонал.
Сепак, овие промени не значат нужно промена во политиката на администрацијата на Доналд Трамп кон Иран. Фокусот на американската администрација сега е ставен врз економското влијание, наместо врз воените напади.
Наместо тоа, одлуката во голема мера е поврзана со внатрешните прописи кои го ограничуваат периодот во кој дипломатите можат да бидат отсутни од своите должности, а притоа да продолжат да примаат плата и бенефиции за себе и за своите семејства.
Амбасадите на САД во Катар, Кувајт и Бахреин вчера објавија дека на членовите на семејствата на дипломатите ќе им биде дозволено да се вратат.
Меѓутоа, во Бахреин и Кувајт враќањето засега се однесува само на возрасните членови на семејствата.
Уште претходно оваа недела, одобрение за враќање добија и членовите на семејствата на вработените во американската амбасада во Израел. Во Либан, пак, дозволено е враќање на роднините постари од 21 година на дипломатскиот персонал.