Во село Батинци, скопско, дошло до групна тепачка во која учествуваа повеќе лица, а биле користени и тврди и остри предмети. Според информациите од СВР Скопје, настанот бил пријавен на 29.08.2025 околу 23:30 часот.
Конфликтот избувнал поради претходно нарушени меѓусоседски и семејни односи. Во пресметката учествувале Ф.С. (27), Е.С. (18), Р.С. (22), С.С. (36) и С.С. (29), сите од Батинци, од една страна, и М.М. (21), Д.М. (20), Е.М. (22), Г.М. (24) и Џ.М. (65), исто така од Батинци, заедно со И.Б. (19) од Тетово, од другата страна.
Полицијата информира дека во тепачката бил нарушен јавниот ред и мир, а употребата на тврдите и острите предмети дополнително ја влошила ситуацијата.
По целосното документирање на случајот, надлежните најавуваат соодветни поднесоци против вклучените лица.
Сликата е направена со вештачка интелигенција.