Министерството за надворешни работи на Белорусија исто така предложи претставникот на ЕУ да оди во Минск на консултации и предупреди дека на одговорните за санкциите ќе им биде забранет влез во Белорусија.
На 24 јуни Советот на ЕУ воведе нови рестриктивни мерки против белорускиот режим како одговор на ескалацијата на кршењето на човековите права во Белорусија, насилната репресија врз граѓанското општество, демократската опозиција и новинарите, но и присилното приземјување на лет на Рајанер кон Минск и апсењето на новинарот Роман Проташевич.
Новите насочени економски санкции вклучуваат забрана за директна или индиректна продажба, испорака, трансфер или извоз во Белорусија на опрема, технологија или софтвер наменети за следење или пресретнување на интернет и телефонски комуникации, како и технологија за воена употреба.