Од Општината инфомираат дека оваа привилегија на сите паркинзи на ПОЦ ќе може да ја користат сите лица кои поседуваат лекарска потврда за оштетен слух од над 90 отсто и сите членови на Националниот сојуз на глуви и наглуви.
На денешната средба иницирана од градоначалникот на Општина Центар, Горан Герасимовски, беше потпишан Меморандум за соработка меѓу директорот на ЈП „Паркинзи на Општина Центар“, Васко Кичевски и претседателот на Националниот сојуз на глуви и наглуви, Томица Стојановски.
– Со овој Меморандум за користење на бесплатно паркирање на паркинзите под надлежност на Општината, конечно го исполнуваме неколкугодишното барање на лицата со оштетен слух. Оваа услуга, која веќе ја користат лицата со оштетен вид и телесен инвалидитет, досега не беше овозможена за лицата со оштетен слух. Токму затоа беше и нашата средба пред месец и половина која се заложив дека ќе им излезам во пресрет, потенцираше Герасимовски на средбата.
Општина Центар најавува дека и во иднина ќе работи на овозможување услуги кои ќе им го олеснат животот на лицата со телесен инвалидитет или било каква друга попреченост.