Без вода делови од Автокоманда, Железара и Центар, без струја делови од Брњарци и Илинден

Без вода денеска ќе бидат делови од населбите Автокоманда и Железара, како и неколку улици во Центар.

Како што соопшти ЈП „Водовод и канализација“ – Скопје, поради монтирање на затворач ф-200 милиметри на улица „Душан Тасковиќ“ бб во Парк шумата Гази Баба, од 8 часот прекинато водоснабдување ќе имаат корисниците од населбата Железара, вклучително и болницата „Ремедика“ и поликлиниката „Железара“, како и улиците „Јани Лукровски“, „Ташко Караџа“, „Христо Ботев“ и „Бапчор“ во населбата Автокоманда. Цистерна за питка вода ќе биде стационирана пред „Ремедика“ и поликлиниката „Железара“.

Од 9 часот, пак, поради уличен дефект на улица „Рајко Жинзифов“ број 51, прекинато водоснабдување ќе имаат дел од корисниците од оваа улица на потегот од Романска амбасада до ул.„Киро Крстевски Платник“, како и дел од улицата „Васил Стефановски“ во Центар. Водоснабдувањето ќе биде во прекин до санацијата на дефектот.

Без напојување со електрична енергија денеска ќе бидат корисниците во делови од Брњарци и Илинден, информира РЦУК по известување од „ЕВН Македонија“.

Во периодот од 7 до 9 часот без струја ќе бидат корисниците од „Арс-Комерц“ („Веса Компани“) пред мост за Арачиново, ЗИК „Краварство“ и селото Брњарци во Општината Арачиново.

Од 08.30 до 11.30 часот, пак, без електрична енергија ќе бидат корисниците од улиците бр. 2, 3, 5, 6 и 7 во Илинден.