Капелата градена од жителите на битолските села Долно и Горно Агларци, наместо да им служи на сите, станала „јаболко на раздорот“ меѓу соседните села, а во бизарниот случај се вмешала и политиката, објави „Телма“.
Едните преку ноќ ги чкртаат ѕидовите на капелата, а другите преку ден бришат и варосуваат, јавува телевизијата.
Работата стигнала и на суд за да се расчисти во чие владение е капелата, кој колку вложил и кој кому должи. Дел од жителите на Долно и Горно Агларци велат нетрпеливоста има партиска боја, а други не признаваат дека политиката не ги остава на мира ниту покојните.