Лидерите на Обединетото Кралство, Франција и Германија, познати како Е3, објавија заедничко соопштение со кое остро ги осудија иранските ракетни напади, оценувајќи ги како „неселективни и несразмерни“. Тие најавија дека ќе преземат чекори за заштита на своите национални интереси и на интересите на сојузниците во регионот ако безбедносната состојба дополнително се влоши.
Во соопштението се наведува дека тие чекори потенцијално би можеле да вклучуваат овозможување нужни и пропорционални одбранбени мерки со цел неутрализирање на иранските проектили и беспилотни летала на нивниот извор.
Лидерите — Кир Стармер, Емануел Макрон и Олаф Шолц — се согласија дека во евентуалните активности ќе соработуваат со Соединетите Американски Држави и со други партнери во регионот.
Во моментот на објавување на соопштението, Форин офис на Обединетото Кралство информираше дека околу 94.000 британски државјани ја регистрирале својата присутност во земјите од Персискиот Залив кај владините служби, во услови на зголемена безбедносна неизвесност, објави Скопје1.мк.