Во известувањето до вработените, за кое прво информираше „Headforpoints.com“, извршниот директор на „British Airways“, Шон Дојл, рече дека компанијата планира да формира „нова оперативна единица“ која ќе работи од лондонскиот аеродром Гетвик.
Според Дојл, до летото 2022-ра година, новата авиокомпанија ќе управува со „високо конкурентни“ кратки рути од вториот по големина аеродром во Лондон.
Портпаролот на „British Airways“, кој е во сопственост на International Airlines Group (ICAGY), изјави за „CNN Business“ дека работи со синдикатите „на понуди да понудат кратки летови од Гетвик“, без да открие повеќе детали.
Ова не е прв обид на „British Airways“ да отвори авиокомпанија која се фокусира исклучиво на кратки летови во Европа. „Go Fly“ беше нискобуџетна авиокомпанија основана од „British Airways“ во 1998-ма година, која изведуваше летови од лондонскиот аеродром Стенстед до различни дестинации на континентот. Таа беше купена четири години подоцна од „EasyJet“, која сега е најголемата авиокомпанија со седиште на аеродромот Гетвик.
Сепак, овој чекор ќе биде од суштинско значење за „IAG“, бидејќи компанијата акумулира огромни загуби во последните 18 месеци по колапсот во воздушниот сообраќај за време на пандемијата. Компанијата објави загуба пред оданочување од 2,7 милијарди долари во првото полугодие. „British Airways“ придонесе најмногу за негативниот финансиски резултат откако беше погодена од ограничувањата на нејзините најпрофитабилни прекуокеански линии.
„Ryanair“ и „EasyJet“ очекуваат да закрепнат помеѓу 60% и 80% од нивниот пад пред пандемија на патнички сообраќај помеѓу јули и септември, што е многу поголем процент од прогнозата на „IAG“ од 45%.