Царинска управа бележи значајни резултати во првите месеци од 2024 година, со податоци што, според ВМРО-ДПМНЕ, ја потврдуваат институционалната ефикасност и посветеноста кон воспоставување отчетност. Во партиското соопштение се наведува дека приходите се повисоки за 7,5 милијарди денари споредено со истиот период лани.
Во првиот квартал од годинава, евидентирани се вкупно 102 поднесени кривични пријави. Ова е повеќе отколку вкупно пријавени случаи за целиот период од 2020 до 2023 година, кога биле поднесени 85. ВМРО-ДПМНЕ нагласува дека ова е резултат на посериозен и неселективен пристап кон борбата против корупцијата, спроведуван преку институционална акција.
Дополнително, во истиот период се реализирани над 100 заплени, со што Царинска управа го надминала просекот кој во последните седум години се движел меѓу 52 и 110 заплени годишно. Само за првите три месеци, просекот од цела година е веќе надминат.
Според податоците, зголемена наплата на давачки е евидентирана во неколку категории: од царински давачки 15,6%, од акциза 5,7%, а од данок на моторни возила 16,2%. Овие средства директно се слеваат во Буџетот на државата.
Во партиското соопштение се посочува дека се работи и на реконструкција и дигитализација на граничните премини. Дел од активностите се реализираат преку европски грантови, како што е случајот со модернизација на преминот Делчево, Маркова Нога и изградба на нов граничен премин со Бугарија.
Борбата против корупцијата е претставена како стратешки приоритет, со цел да се воспостави систем каде институциите постапуваат без политички влијанија. Дополнително, се најавува дека приходите од зголемена наплата на давачки ќе бидат наменети за проекти во образование, здравство и инфраструктура.
Од ВМРО-ДПМНЕ наведуваат дека со овие мерки се враќа довербата во системот, а институциите повторно стануваат ефективни и отчетни.