12 жртви и четири тешко повредени во масакрот во Цетиње

На вонредната прес-конференција на Министерството за внатрешни работи на Црна Гора беа соопштени сите детали за масакрот во Цетиње, кој го изврши Ацо Мартиновиќ (45). На 1 јануари, во нападот што се случил на неколку локации, загинаа 12 лица, а четири лица се тешко повредени и се во критична состојба во Клиничкиот центар на Црна Гора.

Жртви – пријатели, роднини и соседи на напаѓачот

Според Лазар Шќепановиќ, вршител на должноста директор на Полициската управа на Црна Гора, Мартиновиќ имал блиски односи со дел од жртвите.

  • „Ја уби сопствената сестра, со која биле во добри односи и заедно ја чекале Новата година. Уби две деца, братот на сопственикот на кафаната, како и свои пријатели, кумови и сонародници,“ истакна Шќепановиќ.

Нападот започнал во ресторанот „Велестово“

Мартиновиќ го започнал масакрот во ресторанот „Велестово“, каде убил неколку лица. Потоа продолжил на други локации низ Цетиње, при што ја проширил трагедијата.

Четворица од повредените се во критична состојба, а здравствените власти се борат за нивниот живот.

Опсада и самоубиство

По нападите, Мартиновиќ бил лоциран и опкружен од специјалните единици. Во текот на опсадата, тој извршил самоубиство.

  • На повредите им подлегнал во возилото на Брзата помош додека бил транспортиран кон Клиничкиот центар на Црна Гора.

Шок и тага во заедницата

Трагичниот масакр во Цетиње предизвика голем шок и тага низ цела Црна Гора. Владата, полицијата и здравствените установи се целосно мобилизирани за да се справат со последиците од овој тежок настан.