Украинскиот претседател Володимир Зеленски е подготвен да оствари директна средба со рускиот лидер Владимир Путин со цел да се отворат разговори за ставање крај на воениот конфликт. Украинската страна прифаќа да се отворат сите чувствителни прашања, но под строг услов разговорите да не се водат во Москва.
Информацијата ја соопшти украинскиот министер за надворешни работи Андриј Сибиха во интервју за финскиот весник „Хелсингин Саномат“. Сибиха истакна дека за властите во Киев точната локација не претставува пресуден фактор, доколку целосно бидат исклучени Москва и територијата на Белорусија, со шеговита забелешка дека би требало да се исклучи и Северна Кореја, при што официјалната покана од Русија ја оцени како несериозна.
„Сакаме таква средба и подготвени сме за неа. Веројатно само средба меѓу Зеленски и Путин може да донесе нова динамика во преговорите. Зеленски е подготвен да разговара за најтешките и најчувствителните прашања, вклучително и територијалното прашање“, вели Сибиха.
Според шефот на украинската дипломатија, ваквите директни разговори можат да воспостават мерки за заемна доверба, меѓу кои се размената на воени заробеници и враќањето на украинските деца за кои Киев тврди дека биле одведени од страна на Русија. Тој исто така посочи дека Киев дава целосна поддршка на иницијативите и контактите што финскиот претседател Александер Стуб и норвешкиот премиер Јонас Гар Стере ги остварија со Путин за отворање дополнителен дипломатски канал.
Сибиха испрати апел до европските земји да заземат поактивна и пообединета улога во рамките на мировниот процес, подвлекувајќи дека активностите на Европа мора да бидат комплементарни со чекорите на Вашингтон.
„Не е реално да се заврши војната без нив, ниту да се добијат вистински безбедносни гаранции за иднината без нив“, рече Сибиха.
Како една од клучните причини за интензивирање на дипломатските напори преку Норвешка и Финска се посочуваат засилените воени удари, при што министерот наведе податок дека руските сили во период од две недели истрелале 100 балистички ракети врз це Suppressed цели во Украина.
Претседателот на Соединетите Американски Држави, Доналд Трамп, претходно изјави дека има очекувања набрзо да организира разговори меѓу Путин и Зеленски. Од руска страна, портпаролот Дмитриј Песков не ја отфрли можноста за средба на двајцата лидери, но напомена дека за тоа се потребни детални и опсежни подготовки. Предлогот на Зеленски за состанок на самитот на Г20 во САД претходно беше одбиен од страна на Москва, со повторување на барањето средбата да се реализира во Русија.