До 17 часот во Кавадарци гласале 46,27 отсто од гласачите

Во Кавадарци 46,27 отсто од избирачите гласале до 17 часот.

Претседателката на Општинска изборна комисија, Емилија Петровска за МИА информира дека на денешните локални избор се гласа на 60 избирачки места. Во текот на вчерашниот ден изгласаа 86 болни и изнемоштени лица.

– По избирачки список, со право на глас имаме запишано 31.956 гласачи, појасни Петровска.

На овие избори, жителите на Општина Кавадарци имаат можност да гласаат за тројца кандидати за градоначалници и девет листи на кандидати за советници.