Дождот помогна, но недоволно: Пожарите беснеат низ Македонија

Вчерашните врнежи помогнаа во справувањето со огнените стихии. Но, дел од пожарите и натаму беснеат. Огнот на Серта во неготинско под контрола, кај Калањево и Криволак опасноста е отстранета. Тешко е во штипско, а гори и на Огражден. И денеска се гаснеше и од копно и од воздух, но денеска ситуацијата е далеку подобра

Пожар во велешко

Дојава за пожар кај Башин мост ги мобилизираше пожарникарите од Велес. Дејствуваа брзо на терен што е непристапен за возила. Постоеше опасност целиот рид брзо да пламне.

Се гасне од копно и од воздух

Се гасне од копно и воздух во велешко. Пожарот на планината Серта е ставен под контрола. По десет дена борба, во Калањево конечно е мирно, а проблемот сега е од штипска страна.

ЦУК на терен

Првиот човек на Центарот за управување со кризи е задоволен од брзата реакција на пожарникарите на новите жаришта што се појавуваат.