Во шокантен пресврт на настаните, сведок излезе со тврдења дека поранешниот премиер и министер за здравство примале исплати од веледрогерија одговорна за значителен дел од набавките во позната клиника. Иако сведокот немаше храброст да ја открие оваа информација јавно, тие ја истакнаа на неформален разговор. Со нивното отсуство од денешната постапка, остануваат неодговорени прашањата за вмешаноста на господинот Венко Филипче и поранешниот премиер со наведената веледрогерија.
Па еве јас сакав ако не дојде денеска да го прашам и од тука дали навистина господинот Венко Филипче и тогашниот премиер биле на платен список на таа веледрогерија
Експлозивните откритија ги извади на виделина Петар Ристески, пратеникот на ВМРО-ДПМНЕ при неговото гостување во утринската емисија на ТВ Алфа. Ристески изрази загриженост поради недостигот на жестока реакција од институциите, кои, според него, им дозволуваат на вмешаните да си ги прикријат трагите. Тој продолжи да сугерира дека слични криминални операции може да се случуваат и во други клиники, во кои се вклучени моќни личности како владини претставници, агенции и директори на клиники.
„Ваквото криминално противзаконско работење се практикува и на другите клиники, односно тука е една оска која се движи помеѓу најмоќните луѓе во државата, владата, премиерот, министерот за здравство, агенциите како Малмед, тие кои дозволуваат ова да се случува со увоз на лекови, лиценци, дозволи, ФЗО и на крај се како најмал играч тука директорите на клиниките и клиниките кои сето тоа го спроведуваат на дело. На ова министерот Спасовски, обвинителот Јовески треба да реагираат жестоко, што не гледам дека во моментов го прават и затоа се повикани уште еднаш, потенцираше Ристески и додаде:
„Досега требаше да има тука притвори за луѓе кои што се вклучени во ова најгрозоморно случување во здравството во Република Македонија, па и оставки како морален чин пред сѐ, но гледаме дека, еве на пример директорот Нино Васев кој е директно вклучен во сето ова што се случувало на клиниката и кој го спровел тоа што се направило, во моментов е некој раководител на клиниката и член на оној конзилиум кој сега веќе профункционирал и сепак учествува и понатаму во доделување на терапија, има контакт со пациенти, со вработени, што секако ако направил нешто му овозможува да ги прикрие трагите“.