Навивачите предизвикаа хаос на натпреварот Партизан – Црвена Звезда
Кошаркарската Евролига денеска соопшти дека белградските ривали Партизан и Црвена Звезда се казнети со вкупно 87.000 евра поради инцидентите на натпреварот од 15. коло во елитното натпреварување.
Партизан доби парична казна од 59.000 евра, додека Црвена Звезда ќе плати 28.000 евра. Натпреварот се одигра на 12 декември, а Партизан победи со резултат 79:76.
Партизан казнет за насилство и неспортско однесување
Евролига соопшти дека Партизан е казнет затоа што навивачите користеле ласери, фрлале предмети на теренот, палеле факели и скандирале неспортско.
Црвена Звезда казнета за инциденти по натпреварот
Црвена Звезда ќе плати 28.000 евра бидејќи нејзините навивачи развиориле знаме над семафорот, скандирале несоодветно и фрлале факели на теренот по завршувањето на натпреварот, што побарало реакција од обезбедувањето и пожарникарите.