Албанска криминална мрежа уапсена за трговија со кокаин
Десет членови на албанска криминална мрежа, која е активна меѓународно и се занимава со трговија со кокаин и перење пари, беа уапсени во серија координирани рации во Албанија, објави Европол. Апсењето на албанската криминална мрежа се случи на 7 и 8 август. Во операцијата учествуваа и партнери од Белгија, Франција, Германија, Италија и Холандија.
Истражителите откриле дека албанската криминална мрежа има врски со високоризични криминални групи ширум Европската Унија и пошироко. Во акциите се запленети хотели, вили, станови, парцели, возила и акции во компании вредни милиони евра, како и над 100.000 евра во готово и друга валута.
Водачот на албанската криминална мрежа веќе бил баран по повеќе кривични дела, вклучувајќи убиство и перење пари. Тој организирал транспорт на големи количини кокаин од Латинска Америка до пристаништата во Европската Унија. Една од пратките им донела повеќе од 40 милиони долари заработка.
Европол обезбедил клучна поддршка преку анализа на податоци и координација меѓу земјите. Испратил експерти во Тирана и овозможил брза размена на информации меѓу сите учесници во операцијата.