Социјалдемократскиот сојуз на Македонија (СДСМ) утре ќе одржи редовни внатрепартиски избори за избор на нов партиски претседател. Единствениот кандидат за лидерската функција е актуелниот претседател на партијата, Венко Филипче. Toa значи дека изборот ќе биде формалност, но со целосна изборна процедура.
Филипче сам во трката за претседател на СДСМ
Централната изборна комисија на СДСМ потврди дека Венко Филипче е единствениот кандидат за претседател, а Избирачкиот список со 23.712 активно регистрирани членови е веќе затворен. Изборниот процес ќе се спроведе на 78 избирачки места низ општинските организации низ државата, од 08:00 до 20:00 часот.
Филипче ќе се бори со Венко за лидер на СДСМ
Обезбедена целосна изборна логистика
Од партијата информираат дека е подготвен целиот потребен изборен материјал: паравани за тајно гласање, избирачки кутии, ознаки и логистика за непречено спроведување на изборниот ден. За болните и немоќните лица, гласањето беше овозможено ден порано – во сабота, 5 април.
Изборите одложени поради трагедијата во Кочани
Првично, внатрепартиските избори требаше да се одржат на 16 март 2025, но беа одложени поради трагичниот настан во Кочани. Филипче беше избран за претседател на СДСМ во јуни минатата година, на вонредните избори што беа организирани по оставката на Димитар Ковачевски.
Извор: Курир