Откако го дочекаа Вардар во Белград со грчко знаме, навивачите на Партизан, Гробари уште повеќе ја испровоцираа цела Македонија, со паролата што ја истакнаа на вечерашниот меч, патем скандирајќи навредливо „Стара Србија, никад Македонија“, објави Спорт1.
Гробари истакнаа парола со жестока навреда кон цела Македонија, посочувајќи дека зборот Комити е српско име, а Гоце Делчев Бугарин…
„Група со српско име, бугарски војник слави, мора да е тешко со таа криза на идентитет во главата“, стоеше на паролата на Гробари.
Освен ова, Гробари провоцираа и со пеење на грчка песна на навивачите на Паок. Ова не е првпат Гробари да провоцираат, истото се случуваше и лани кога на ракометен план играа Партизан – Пелистер.