Креаторите на статуата велат дека тие се први во светот што оддале почит кон мистериозниот креатор на криптовалутата Биткоин Сатоши Накамото.
За него, се уште не е познато дали претставува вистинско име или пак псевдоним кој го користи еден човек или група на пронаоѓачи на Биткоинот.
Скулптурата е откриена во технолошкиот парк во главниот град на Унгарија Будимпешта, каде што се наоѓа и споменикот на основачот на „Епл“ Стив Џобс.
– Сметаме дека Сатоши е основач на целата индустрија за криптовалути, истакна Андрас Гјорфи, новинар кој постојано пишува за Биткоин и криптовалутите.
Тој додаде дека Сатоши го создал биткоин, ја создал блокчеин технологијата и тој е „бог на нашиот пазар“.