Во заедничка акција на Министерството за внатрешни работи на Србија, Управата на криминалистичката полиција и МВР, во Скопје е уапсен С.М. (42), за кого постои сомнение дека подготвувал извршување на тешко кривично дело за потребите на организирана криминална група.
При претрес на станот и други простории што ги користел во Скопје, полицијата пронашла лична карта на друго лице издадена од Република Србија, црна тактичка униформа, воен нож, помала количина марихуана, пиштол марка „CZ“ и муниција.
Според сомнежите на истражителите, С.М. илегално влегол на територијата на Македонија, каде што планирал извршување на тешки кривични дела, убиство, по налог на членови на криминалната група на која ѝ припаѓал.
Акцијата за апсење била реализирана благодарение на размена на оперативни информации меѓу безбедносните служби на Србија и Македонија, со што, според сомнежите, било спречено извршување на сериозно кривично дело.