Градоначалникот на Општина Кисела Вода, Орце Ѓорѓиевски на социјалните мрежи информираше за немилиот настан кој што му се случил вечерва, кога непознати сторители му го обиле неговиот автомобил.
Според градоначалникот ова е резултат на неговата борба со урбаната мафија.
Вечерва “непознати сторители” го обија мојот автомобил нанесувајќи материјалнa штета
Случајот е пријавен во полиција (искрено не очекувам да бидат најдени).
Иако навидум сторителите се непознати, причините се јасни.
Намерата им е да ме “поздрават” затоа што се справувам со урбаната мафија која дивееше и беше главна во време на претходниците. Епа веќе не смее да припари урбаната мафија накај општина, општината ја водат граѓаните
Нема по ниту една цена да се сопре развојот на Кисела Вода, решавањето на проблемите на народот и да дозволам матните бизнис интереси на поединци да бидат посилни од тие на народот.
Стаклата и возилото може да ги кршат колку сакаат, ама не можат да ја скршат никогаш мојата одлучност да ја решам урбаната мафија еднаш, засекогаш. Моите сограѓани го заслужуваат тоа!
На сите треба да им е јасно, никој нема да ме “заплаши” или премисли во намерите да го исполнам она што сум го ветил.