Градоначалникот на Кисела Вода, Орце Ѓорѓиевски во пресрет на Бадник и Божиќ денеска подели пакети со храна на неколку социјално загрозени семејства.
Тој по овој повод сподели статус на Фејсбук:
„Во очекување на најрадосната вест за нас Христијаните, најважно е истата радост да ја споделиме со другите, да си помагаме кога е најтешко и да бидеме заедно во добро и во лошо.
☦️ Големи денови се пред нас, а човечката големина се покажува со дела.
📦 Токму затоа, денес посетив неколку семејства од социјален ризик на кои им поделивме пакети со прехранбени продукти и се потрудивме со мало внимание да им ги разубавиме празниците.
🤝 Да знаат дека не се сами, да знаат дека мојата рака секогаш ќе биде нивна поддршка и во убавите, но и во тешките времиња.
🏡 Сите заслужуваат топол дом и празнична трпеза и јас, онолку колку што можам ќе бидам тука за мојот народ.
✌️ А сите ние, да се стремиме да бидеме уште подобри луѓе, да си помагаме и да си подаваме рака, секаде да пристапуваме со добрина и љубов бидејќи тоа е највозвишената човечка особина.
Да менуваме преку хуманоста!
❤️ Да сте ми здрави и живи!, стои во неговиот пост на Фејсбук.