62. жртва од пожарот во кочанската дискотека

62. жртва од пожарот во кочанската дискотека е 24-годишниот Стојанче Стефанов. Тој почина на Воено-медицинската академија во Белград каде што се лекуваше од првиот ден на несреќата и за цело време бил во критична состојба.

Познато во каква состојба бил по пожарот

Имал 27 проценти зафатеност со изгореници и сериозни повреди од вдишување на чад. на лекување во странство бил испратен од КАРИЛ.

Доктор Карталов вели дека кај некои пациенти отокот на дишните патишта се појавува подоцна и се влошува состојбата. Уште двајца повредени од пожарот кои се лекуваат во странство, се во релативно тешка здравствена состојба.

Се проширува истрагата

Истрагата, која е во тек, досега опфати над 60 физички и три правни лица. Меѓу нив има функционери, инспектори, службеници, сопственици и лица од безбедносните структури.

Еден месец по трагедијата во „Пулс“: Инспектори, функционери и сопственици – истрагата опфаќа над 60 физички и 3 правни лица

Како одговор на трагедијата во Кочани, беше прогласена седумдневна жалост, а настаните од областа на културата беа откажани. Ден на жалост беше прогласен и во Србија, Бугарија, Црна Гора и Босна и Херцеговина.

Изгласани измени во Собранието

Во меѓувреме, во Собранието беа изгласани измени во Законот за јавен ред и мир, со кои се забранува употреба на пиротехнички средства во затворени простории, а се воведуваат и прекршочни глоби за прекршителите.

На 16 март во дискотеката „Пулс“ беа повредени 193 лица, а досега животот го загубија 62 лица вклучувајќи ја и последната жртва, 24-годишниот Стојанче Стефанов.

Извор: МРТ