Националниот тим трети пат не се пласира на Светско првенство
Фудбалската репрезентација на Италија повторно не обезбеди пласман на Светското првенство, што предизвика низа оставки на врвот на федерацијата.
По заминувањето на претседателот Габриеле Гравина, и легендарниот голман Џанлуиџи Буфон потврди дека ја напушта функцијата шеф на националниот тим. Селекторот Џенаро Гатузо исто така најави заминување, отворајќи простор за големи кадровски промени.
Можни наследници на селекторската позиција
Според „Газета дело спорт“, најсериозни кандидати за место на Гатузо се Роберто Манчини и Антонио Конте. Манчини веќе го искусил притисокот на националниот тим, бидејќи Италија под негово водство стана европски шампион во 2021 година.
Италијанските извори исто така го истакнуваат Пеп Гвардиола како опција за селектор, особено по истекот на неговиот договор со Манчестер Сити следното лето. Сепак, останува неизвесно дали Гвардиола ќе прифати работа во репрезентативен фудбал, што ќе биде клучен фактор за иднината на италијанскиот национален тим.