Даниела Гилбоа – заложничка со бугарско потекло
Хамас му предаде на Црвениот крст 4 заложнички, војници на израелската армија. Ова е втора група заложници што се враќаат во Израел според првата фаза од договорот за прекин на огнот. Меѓу ослободените е и Даниела Гилбоа, која има бугарски корени, пренесуваат бугарските медиуми. Останатите се Карина Ариев, Наама Леви и Лири Албак. Тие беа киднапирани од нивната позиција на набљудувачката станица Нахал Оз на 7 октомври 2023 година.
Наама Леви – Израелка со македонско потекло
За една од останатите заложнички претходно објавивме вест дека по потекло е од Македонија. Еврејската заедница во Македонија и дел од нејзините роднини барале поддршка од македонските власти за нејзиното ослободување, потсетувајќи на нејзиното македонско потекло.
Целосно за Наама Леви може да прочитате во продолжение:
Во замена, Израел ослободи речиси 200 палестински затвореници, вклучувајќи 121 на отслужување доживотна казна затвор. 114 беа однесени во Рамала, уште 70 беа депортирани во Египет, а други 16 во Појасот Газа.
Која е Даниела Гилбоа?
Даниела има бугарско државјанство, татко и е Јицак Гилбоа со бугарско потекло – неговите родители емигрирале од Бугарија во Израел по Втората светска војна.
Всушност, нејзиното име е Даниела. Две недели по нејзиното киднапирање, нејзините родители разговарале со рабин и тој препорачал да и го променат името од Даниел во Даниела, што и го направиле. На хебрејски, додавањето на буквата ה (што значи Бог и се изговара како „а“) на крајот на името симболизира додавање божествена заштита на личноста.
Мајката на Даниела, Орли Гилбоа, го спомна ова во интервјуа, велејќи дека нејзиниот сон е ќерката да ја искара за промената кога безбедно ќе се врати дома.
Како ја киднапирале Даниела?
Даниела Гилбоа беше фатена од набљудувачката станица Нахал Оз заедно со други набљудувачи на ИД. Снимката од киднапирањето, на која жените се гледаат како ги држат терористите на Хамас во засолништето на базата, некои од нив крвави и повредени, семејствата ги објавија во мај. Гилбоа се гледа на бројни видеа објавени од терористите.
Деновиве Даниела е главна тема по бугарските медиуми
Во едно од видеата таа ја критикува владата на Нетанјаху: „Не знам дали и кога ќе се вратам дома“. Под оган сме 24 часа на ден. Се плашам за мојот живот.
„Во еден момент вашите бомби за малку ќе ме убијат“, рече таа. „Каде бевте на 7 октомври кога ме киднапираа од мојот кревет? Каде си сега? Зошто јас, како војник кој даде 100% од себе за земјата и служеше во толку тешки услови во Појасот Газа, да се чувствувам напуштен и отфрлен од вас?“