ведочењето на поранешната американска државна секретарка Хилари Клинтон пред Конгресот накратко беше прекинато откако републиканската конгресменка Лорен Боберт ја фотографирала за време на затворената седница и фотографијата ја испратила до конзервативен инфлуенсер, кој потоа ја објавил на мрежата „Икс“. Иако призна дека ја испратила фотографијата, Боберт изјави дека не сторила ништо спорно, и покрај тоа што ги прекршила правилата на Комитетот.
Во своето обраќање, Клинтон им кажа на членовите на Конгресот дека немала никакви сознанија за кривичните дела на Џефри Епстин и Гислејн Максвел. Со нејзиното сведочење започна дводневната постапка зад затворени врати, во која се очекува да учествува и поранешниот претседател Бил Клинтон.