Температурите растат – граѓаните и работодавачите да преземат мерки за здравствена безбедност

Институтот за јавно здравје (ИЈЗ) попладнево упати итен апел за почитување на мерките за заштита на здравјето, по најавата од Управата за хидрометеоролошки работи за високи температури од 23 до 27 јуни. Особено се повикува на внимание кај ранливите категории на население и вработените изложени на топлина.

Критични категории: надворешни работници и хронично болни

Најголем ризик од здравствени последици имаат:

Градежни работници, земјоделци, доставувачи, сообраќајна полиција и сите што работат на отворено;

Вработени изложени на висока температура и топлинско зрачење;

Хронично болни, стари лица, лица со зголемена телесна тежина и бремени жени.

Овие групи се особено подложни на топлотен удар, дехидратација и влошување на хроничните состојби.

Препораки за работодавачи – адаптација на работните услови

ИЈЗ предлага конкретни мерки за заштита на вработените:

Работно време да се адаптира: избегнување работа на отворено од 11 до 17 часот;

Флексибилно или онлајн работење, ротација на работни задачи, чести паузи;

Обезбедување климатизирани простории за разладување („засолништа“);

Поставување работни места подалеку од сончева светлина и извори на топлина;

Минимум 2 литра вода дневно, внесување електролити, избегнување кофеин и алкохол;

Редовно миење, одмор, лесна и светла облека, заштитни очила, капи и креми со УВ-фактор 30+.

 Симптоми на топлотен удар и итна помош

ИЈЗ предупредува на симптоми на топлотна болест, како:

Вртоглавица, замор, повраќање, вознемиреност, губење на свест.
Во такви случаи:

Веднаш повикајте 194 или 112,

Лицето да се смести во ладна просторија, да легне со подигнати нозе,

Ладење со облози и вода,

Без терапија без лекар,

Ако е во бессознание – странична положба до доаѓање на медицинска помош.

Индивидуални проценки и дополнителна грижа

Вонредни прегледи од медицина на трудот се препорачуваат за вработени од ризични категории, со цел да се утврди работоспособноста според здравствената состојба. Потребна е и консултација со матичен лекар за адаптација на терапијата или евентуално отворање боледување.