Американскиот претседател Доналд Трамп упати директни обвинувања кон официјален Техеран дека презема чекори за вештачко зголемување на цените на нафтените деривати на глобалните берзи во пресрет на изборите за Конгресот на Соединетите Американски Држави. Тој ги изнесе своите тврдења преку објава на социјалната мрежа „Трут соушл“.
Според неговата оценка, иранскиот режим користи дезинформации за да предизвика неизвесност на пазарите и покрај високите нивоа на испорака низ клучните поморски коридори.
Иран прави сè што може за да ја зголеми цената на нафтата пред изборите за Конгресот на САД. Тие дури измислуваат лажни напади, мини и сè друго, иако сега низ Ормуска Теснина поминува повеќе нафта отколку што поминуваше дури и пред почетокот на конфликтот.
Трамп во истиот контекст се осврна и на внатрешната состојба во земјата, посочувајќи дека иранските безбедносни сили применуваат насилство врз граѓаните кои протестираат, тврдејќи дека 75.000 демонстранти биле убиени во период од неполни седум месеци.
Шефот на Белата куќа истовремено упати предупредување во врска со развојот на воената нуклеарна технологија на оваа држава.
Иран никогаш не смее да има нуклеарно оружје и никогаш нема да го има.