Читатели на Фактор испратиле ексклузивни фотографии, на кои се гледаат искршени стакла и дупнати гуми на возила со македонски регистарски таблички во грчкото одморалиште Калитеа.
Сопствениците на возилата се граѓани кои најверојатно го поминуваат својот годишен одмор во ова познато летувалиште, кое се наоѓа на првиот крак на полуостровот Халкидики.
Според информации на Фактор, овој инцидент е пријавен, но Полицијата се уште не излегла да изврши увид.
Информациите велат дека најголемиот дел од оштетените десетна возила биле паркирани кај плажата во непосредна близина на хотелит „Зевс“, но имало оштетени возила во центарот на Калитеа.
Сопствениците на оштетените возила се чувствуваат загрозено од овој немил настан. Стравуваат да не доживеат и други инциденти.
„Не знаеме како ќе ја поминеме ноќта“, велат тие за Фактор.