Во Италија, платите на фудбалерите ќе бидат автоматски намалени за 25 отсто ако нивниот клуб испадне од Серија А и се најде во Серија Б.
Ова е дел од новиот петгодишен колективен договор помеѓу Италијанската асоцијација на фудбалери (AIC) и лигата Серија А.
Новата клаузула ќе влијае исклучиво на договорите потпишани по 2 септември годинава. Сепак, ако клубот и фудбалерот постигнат поинаков договор, тогаш нема да има намалување на основната плата. Оваа мерка има цел да ја обезбеди финансиската стабилност на клубовите кои се борат за опстанок во Серија А. Таа е наменета за највисокото фудбалско натпреварување во Италија.
