Фатмата е мртва. Таа беше застрелана од полицијата во средата во Македонија. Таа штотуку ја мина границата од Грција, земјата која и го одби азилот, правејќи ја невидлива.Таа имаше 23 години, објави А1он.
Приказната за Фатмата ја објави италијанската невладина организација „Second tree“. Според сторијата, мигрантката од Сиера Леоне била застрелана од македонски полицаец со службен пиштол кај касарната во Гевгелија во турканица за оружјето со шверцер.
– Таа беше многу заљубена во својот сопруг, Абу Бакар. Тие се познаваат уште од деца и честопати еден на друг си велеа: Ти си ми се!. Фатма беше полна со живот. Секогаш подготвена да ја сподели својата сила и енергија, а особено да танцува. О, дали сакаше да танцува. Таа танцуваше и пееше „до сиот глас“, како што рече нејзината сестра Бинтија. Замислете ја вака, затоа што така ќе ја паметиме.
Таа исто така беше многу, многу вљубена во нејзиниот сопруг Абу Бакар. Тие се познаваа уште од мали нозе и честопати се нарекуваа „мое се“. Тие беа толку видно еден во друг што честопати на шега коментиравме: „Се надевам дека ќе најдам некој што ме сака така!“. Два месеци пред да биде убиена, Фатмата му кажала на Абу Бакар дека е бремена. Немаа документи или пари, така што никогаш немаа направено ниту тест. Тој се уште не знае дали нивното прво дете починало со неговата сопруга.
Абу Бакар бил со Фатмата кога била застрелана. Таа го извика неговото име. Потоа молеше за помош. Потоа, тој беше врзан со лисици, бил држен во притвор еден ден без вести за неговата сопруга. Потоа му било понудено да го пуштат на граница, да продолжи кон Србија. Се разбира, тој сакаше да остане: „Сакам правда за Фатмата“, рече тој.
Џовани и Жулиет невладина организација „Second tree“ сега се со Абу Бакар во Северна Македонија. Тој сè уште не знае каде е телото на Фатмата и бара да ја види откако беа разделени.
„Сега има адвокат и ќе бара правда. Ќе направиме се што можеме за да го поддржиме него и семејството на Фатмата. Абу Бакар ја избра сликата што ја придружува оваа објава. Ја зеде кога си заминаа, како спомен за чување“.
Откако ја направи фотографијата, Фатмата му рекла: „Сите врати сега ни изгледаат затворени ама друга врата ќе се отвори за нас. Иднината ќе биде добра“.
Кога прв пат го прашавме Абу Бакар што ти треба највеќе во моментов. Тој рече: „Сакам светот да дознае за ова“. Истата изјава ја добивме од страна на семејството на Фатмата која е најмлада од своите 5 браќа и сестри. На вести ќе прочитате само „млад мигрант“ застрелан од страна на полицијата но, луѓето кои ја сакаат Фатмата сакаат сите да знаат дека зад таа празна етикета стои бесценет и уникатен карактер.
Последиот пат кога разговаравме со Мариату, мајката на Фатмата, таа не замоли нас и го моли светот: „Ве молам, ве молам не ја заборавајте“, пишува во објавата на невладината.