Повеќе од 400 палестински милитанти се убиени во јужен Израел и во Појасот Газа, а десетици други се заробени, изјави израелската армија, генерал Даниел Хагари.
Тој додаде дека во моментов се водат борби во кибуцот Кфар Аз, а во тек се и претреси во голем број градови.
Израелските сили се во сите градови, нема град каде што не се присутни, посочи генерал Хагари.
Во меѓувреме, палестинската Агенција за цивила заштита соопшти дека при израелски напад врз Појасот Газа загина високиот претставник на Хамас, Ајман Јунис. Неговото безживотно тело е пронајдено под урнатините на неговиот дом во бегалскиот камп Нузејрат.
Претходно, генерал Хагари изјави дека армијата добила наредба за 24 часа да ги евакуира сите жители од израелските зони околу Појасот Газа, каде се водат борби за ослободување на заложниците.