Изречени две судски пресуди за градоначалникот Рамиз Мерко: Едногодишна условна казна и парична глоба
Судот изрече условна казна во времетраење од една година за незаконско назначување на директор во основното училиште во селото Велешта. Покрај тоа, училиштето „Браќа Миладиновци“ ќе плати парична казна во износ од 2.500 евра.
Санкции и за вработените во училиштето
Условни казни добија и двајцата вработени во училиштето кои беа обвинети за фалсификување на исправа. Судијата Јован Јорданов објасни дека, земајќи ги предвид олеснителните околности, на сите обвинети им е изречена иста санкција:
„Казната нема да се изврши доколку во рок од две години по правосилноста на пресудата не сторат ново кривично дело“, изјави Јорданов.
Реакција на обвинителството и други постапки
Обвинителот Џемал Лога изрази незадоволство од одлуката и најави жалба, сметајќи дека за дел од предметите требало да следи ефективна казна.
Против градоначалникот на Струга, Рамиз Мерко, во чие надлежност е училиштето, има вкупно десет обвиненија за несовесно работење во службата. Во јуни годинава, тој веќе доби прва обвинителна пресуда – парична казна од 10.000 евра за незаконско поставување директори во училиштата во Лабуништа, Радолишта и Подгорци.
Извор: МРТ