Јаневска: Законските услови за возачка дозвола остануваат
По протестот на Ромите, реакција стигна и од министерката за образование и наука Весна Јаневска, која истакна дека законските минимални стандарди за добивање возачка дозвола мора да се почитуваат.
Основното образование е бесплатно и достапно
Јаневска нагласи дека за добивање возачка дозвола е потребно само минимално, односно основно образование, кое е бесплатно и достапно за сите граѓани. Таа посочи дека образованието е бесплатно и за лицата кои ја надминале возраста за редовно школување, преку Центар за образование на возрасните.
МОН со мерки за поддршка на ромската заедница
Министерката изјави дека Министерството за образование и наука располага со повеќе инструменти за подобрување на состојбата на ромската заедница, но дека тие можности треба да бидат искористени. Таа потсети дека МОН има ангажирано 40 ромски медијатори со цел спречување на напуштањето на наставата, како и дека преку проектот „Деценија на Ромите“ се посветува сериозно внимание на оваа етничка заедница.