В.Д. директорот на ЈП Градски – Скопје, Бојан Христовски беше во работна посета на Клиничкиот центар каде има долгогодишен проблем со гужви на паркинг просторот.
Проблемот е засилен поради пандемијата со Ковид 19, што во изминатиот период им создава дополнителни проблеми на граѓаните, информираат од ЈП Градски Паркинг -Скопје.
Директорот Христовски оствари средба со вработените на ова паркиралиште кои му ги истакнаа своите секојдневни проблеми, но поразговара и со корисниците на паркинг просторот. Беа посочени клучните проблеми и се изнајдоа првичните решенија за решавање на проблемот.
Уште од понеделник на влезот на парлиралиштето на Клинички Центар ќе бидат дополнително распоредени тројца вработени во ЈП Градски Паркинг – Скопје, кои во координација со постојните вработени ќе ги пренасочуваат граѓаните кои влегуваат на паркиралиштето за тоа каде и дали има слободни паркинг места.
Апелираме до граѓаните, паркинг просторот да се користи доколку е навистина неопходно поради користење на услуги од Клиничкиот центар Мајка Тереза, а на располагање е и алтернативниот превоз преку автобуските линии. Во овие моменти на пандемија, претеран метеж на паркингот се создава дополнителни тешкотии и за здравствените работници.
Во исто време, апелираме да се користат паркоматите за плаќање, за да се избегне гужвата пред пунктовите за наплата.
Потребно е долгорочно решение на кое продолжуваме да работиме со кое би се зголемил бројот на паркинг места, нешто за што ќе биде потребна заедничка иницијатива со град Скопје и со Клиничкиот Центар.
Во периодот што следува ЈП Градски Паркинг ќе постави и дополнителни патокази за известувања со цел подобра организација на паркинг просторот. Ќе следува и иницијатива за средба со раководството на Клинички Центар за заеднички да се изберат најдобрите решенија за паркингот.
Јавното паркиралиште „Клинички центар“ располага со 832, паркинг места, 5 паркинг места за лица со попреченост и 4 паркинг места резервирани за мајки со дете. Во моментов се издадени околу 2200 паркинг дозволи за категорија ВРАБОТЕН во правен субјект.
Имајќи предвид дека работното време на клиничкиот центар се одвива во три смени, вработените кои се стекнале со дозвола за паркирање не ги користат услугите во исто време.
Бидејќи се работи за јавно паркиралиште, во склоп на клинички центар, истото е наменето за потребите на пациентите кои користат здраствени услуги на клиниките, влезот на бројот на возила не е возможно да се регулира според капацитетот на паркиралиштето и заради тоа не може да се ограничи бројот за влез на возила како на другите јавни паркиралишта.
На јавното паркиралиште во клиничкиот центар ЈП Градски паркинг Скопје има распределено вработени со работно време од понеделник до петок од 08 до 15 часот задолжени исклучиво за регулирање на сообраќајот внатре на паркиралиштето и на сервисните улици.
ЈП Градски паркинг Скопје, на јавното паркиралиште во склоп на клинички центар има поставено 2 пункта за наплата од кои едниот работи 24/7 и од него се врши мониториг на влезно-излезни терминали. Исто така претпријатието има поставено и 2 паркомати на различни локации кои се видно обележани, со упатство за користење на три јазици, се вели во соопштението на ЈП Градски Паркинг -Скопје.